Gjira Kajtazi u kthye dje në vëmendje me një reagim të bërë pas publikimit të këngës së re të Melindës. Ajo e kritikoi reperen për projektin, që erdhi rreth dy muaj pasi nëna e saj u nda nga jeta.
Deklarata e saj shkaktoi shumë polemikë, mes tjerash edhe kritikë. Gjira e ka fshirë postimin nga rrjetet sociale dhe jo pa arsye.
“Në mars i ka vdekur nëna nga kanceri e në maj lanson këngë duke u dridhur në tanga. Më fal po këto femna nuk po mundem të i marrë seriozisht. %moral % ndërgjegje, %talent %shije. Pusho në paqe”, shkruan Gjira në reagimin e saj.
Së fundmi pas bujës së madhe që shkaktoi me këto postime, dy këngëtaret janë sqaruar privatisht me njëra-tjetrën. Këtë gjë e tregoi Gjira përmes një postimi, por këmbënguli se nuk ka ndryshuar mendim për ato që tha.
“Khuu çka shkaktoi ky status, paramendo cka kish ndodh me bo une hala muzikë. E sqaruam privat prandaj e fshiva por kjo nuk do të thotë që ndërrova mendjen. Besoj që gjithkush i ka arsyetimet e veta. Ndoshta si nënë që jam vet u habita shumë nga ky gjest i shpejt. Sidoqoftë ka raste në jetë kur është okay mos me u shitë ‘cool’. Në këtë botën virtuale që po dojmë çdo kusht me u dokë të palënduar, preferoj vërtetësinë. Muzika është për opinion, shyqyr që se kemi të gjithë të njejtën” – është shprehur Gjira.
