‘Na riktheni abonetë’/ Qytetarët në protestë pas pabesisë së Veliajt

Qytetarë dhe anëtarë të shoqërisë civile dolën këtë pasdite për të protestuar kundër vendimit të Bashkisë së Tiranës për të hequr nga qarkullimi abonenë e përgjithshme.

Me pankarta në duar ‘Refuzo biletën, rikthe abonenë’, apo ‘Përmirëso transportin publik’, qytetarët protestuan para derës së bashkisë që edhe këtë radhë u tregua e shurdhër ndaj zërit të qytetarëve.

Ajo që ra në sy ishte si gjithmonë pjesëmarrja tejet e ulët në një çështje e cila prek me mijëra qytetarë të cilët përdorin mjetet e transportit publik për të kryer punët e tyre.

Ndërkohë që në mikrofona indinjata e tyre është shumë e thellë ndaj kësaj çështje që rrit kostot në xhepat e tyre.