Një burrë u rrah dhe u sulmua me thikë nga një bandë e armatosur me armë të ftohta përpara syve të qytetarëve të tmerruar , në Hyde Park mbrëmë në orën 21:00.
Video tronditëse që u shpërnda në mediet sociale tregon se kriminelët shkelmojnë dhe godasin burrin , ndërsa qytetarët vrapojnë të tmerruar për të shpëtuar, raporton Daily Mail.
Në video duket banda që ndjek burrin fatkeq në park para se ai të humbasë ekuilibrin e tij dhe të bjerë në tokë. Në të njëjtën kohë, një grua në panik dëgjohet të bërtasë: “U ther me thikë! Oh Zoti im!”.
Në fund të videos, burri duket se është shtrirë në tokë dhe nuk lëviz. Ai më pas u dërgua në një spital në Londrën qendrore. Dje policia tha se burri fatkeq është më mirë dhe se do të jetojë. Autorët e krimit deri më tani mbeten të pa arrestuar.
Hyde Park, është parku më i madh në Londër dhe ishte mbushur plotë në momentin e sulmit
Është sulmi i pestë me thikë që shënohet në Londër që nga e shtuna, duke përfshirë dy vrasje dhe një sulm ndaj një qeni policie.
