Kryetari i Partisë Socialiste për Qarkun e Tiranës, Ervin Bushati, shprehet se brenda kësaj force politike do të nisë një analizë e thellë në çdo strukturë, ku shtoi se rezultati i 25 prillit duhet parë në disa këndvështrime.
Për Asamblenë e Partisë Socialiste që pritet të zhvillohet sot në orën 17:30, Bushati tha se socialistët nuk do të mblidhen si një forcë politike fituese, por edhe si një maxhorancë që ka përgjegjësi ndaj qytetarëve për të paraqitur vizionet e saj se çfarë do të bëjë në mandatin e tretë.
“Në të dyja këto funksione, si maxhorancë apo si forca më e madhe politike në vend, asnjëherë nuk mund të jemi në pushim dhe natyrshëm dhe PS është një fushatë të përhershme me strukturat e saj, për të përgatitur çdo detyrë që na ka caktuar sovrani”, tha kryetari i PS në Tiranë në studion e Euronews Albania.
Ai shtoi se Kongresit i 12 qershorit do të jetë një kongres ku ne festojmë me njëri-tjetrin këtë punë të madhe që kemi bërë.
“Patjetër që i hap rrugë një procesi analize dhe rigjenerimi”, shtoi ai.
