Kryebashkiaku i Tiranës, Erion Veliaj, ka uruar sot fëmijët me rastin e festës së 1 qershorit. Në mesazhin e tij në rrjet, Veliaj ka publikuar edhe një foto me një grup fëmijësh. Deri këtu nuk ka asgjë të keqe, nëse Kryebashkiaku apo stafi i tij në bashki, nuk do të manipulonin foton.
Veliaj shfaqet pranë kullë së Sahatit, atje ku realisht po ngrihet një nga kullat shumëkatëshe.
Por në foton e publikuar nga Veliaj dhe stafi i tij, kulla nuk ekziston, ndërsa jepet pamja e vjetër e zonës rreth Sahatit, të cilit tashmë i bën hije një prej kullave, që shton katet dita-ditës.
Kryebashkiaku shpeshherë është akuzuar nga mediat për manipulimin që i bën opinionit publik, ndërsa tani ka nisur të manipulojë edhe pamjen reale të asaj Tirane që po shkatërron çdo ditë, duke zhbërë çdo zonë të vjetër të saj.
“O kokrra e mashtruesit ku i ke çuar kullat në peisazh?! Apo i ke zëvendësuar me copa qielli?!”, shkruan aktivistja Elona Çaslli, në një reagim të sajin, lidhur me foton e retushuar nga Lali Eri.
