Britania për herë të parë nuk shënon asnjë viktimë nga COVID-19

Autoritetet e Shëndetësisë në Britani njoftojnë se në 24 orët e fundit nuk është shënuar asnjë viktimë si pasojë e Covid-19, për herë të parë që nga muaji mars.

Nga shifrat më të fundit raportohen gjithashtu 3 mijë e 165 raste të reja ditore, një ulje kjo krahasuar me 3 mijë e 383 raste të një dite më parë.

Raportet e vdekjeve ditore shpesh janë më të ulta gjatë fundjavave dhe në fillim të javës, kjo për shkak të testimeve të kryera.

Kujtojmë se, këto shifra vijnë ndërsa ka pasur thirrje të vazhdueshme për të shtyrë lehtësimin e masave Anti-Covid në Angli, për shkak të paralajmërimeve të një vale të tretë.