Një plagosje me thikë ka ndodhur pasditen e kësaj të hëne në qytetin e Vlorës.
I plagosur ka mbetur shtetasi Klodian Toska, 40 vjeç.
Mësohet se ngjarja ka ndodhur në vendin e quajtur “Kali i Trojës”, ndërkohë që Toska ka marrë plagë në shpatull. Nuk dihet ende nëse është kapur apo jo autori i plagosjes.
Njoftimi i policisë:
Sot, rreth orës 18:40, në lagjen “Pavarsia”, Vlorë, dyshohet se pas një konflikti të çastit, është goditur me mjet prerës (thikë), shtetasi K. T., rreth 40 vjeç, i cili është dërguar në spital nën kujdesin e mjekëve, jashtë rrezikut për jetën.
Autori i ngjarjes dyshohet se është shtetasi F. Sh, dhe shërbimet e Policisë janë vënë në ndjekje të tij.
Grupi hetimor ndodhet në vendngjarje dhe po punon për zbardhjen e ngjarjes.
Në foto thika me të cilën autori plagosi 40-vjeçarin.
