Vlora përjetoi këtë pasdite një ngjarje të rëndë. Një person u godit me thikë në shpatull pas një grindje. Klodian Toska u plagos nga shtetasi me inicialet F.SH, pas një zënke që nisi fillimisht në ambientet e një lokali në vendin e quajtur “Kali i Trojës”, dhe më pas u përshkalllëzua në rrugën aty pranë.
Mes barit shihet dhe mjeti prerës, një thikë buke tepër e madhe mishi, goditja e të cilës mund të kishte rezultuar fatale nëse do të prekte organet jetësore.
Siç shihet edhe nga pamjet , 40-vjeçari është plagosur në shpatull dhe është në pritje të ambulancës.
Në video shihet efektivi i policisë i cili mundohet t’i ndalojë gjakderdhjen me duar.
Policia ndodhet në vendngjarje dhe punon për zbardhjen e plotë të rrethanave të ngjarjes si dhe kapjen e autorit të dyshuar.
