Një i ri është vënë në pranga pasi është kapur nga policia me armë zjarri pa leje me vete.
“Në zbatim të planit të masave për kapjen e personave që qarkullojnë me armë zjarri me vete, si rezultat i kontrolleve të befasishme të zhvilluara nga Forca e Posaçme ‘Shqiponjat’, u kap dhe u arrestua në flagrancë shtetasi F. G., 34 vjeç, banues në fshatin Bleran, Shkodër. Gjatë patrullimit në lagjen ‘Liria’, shërbimet e Policisë pasi kanë konstatuar një automjet që kryente lëvizje të dyshimta, janë vënë në ndjekje dhe kanë bërë të mundur ndalimin e drejtuesit dhe bllokimin e automjetit”, njoftoi policia.
Gjatë kontrollit në automjet, shërbimet e Policisë kanë gjetur dhe sekuestruar në cilësinë e provës materiale një armë zjarri pistoletë me një krehër me fishekë, shtuan të njëjtat burime.
Ai akuzohet për veprën penale “Mbajtja pa leje e armëve dhe municionit”.
