Armand Duka, presidenti i FSHF-së ka folur pas finales Skënderbeu-Vllaznia, ku uron kuqeblutë për trofeun, ashtu sikurse analizon edhe sezonin që sot uli siparin me Kupën e Shqipërisë….“Jam i gëzuar për atë që u pa në këtë sezon, kishte garë gjatë kampionatit e Kupës.
Skuadrat që ishin sot janë më simpatiket. Vllaznia është djepi i futbollit shqiptar, ka entuziazëm të paparë. Më bëhet qejfi që mori trofe, ndoshta meritonte më shumë për atë që ka dhënë gjatë garës. Kjo do të thotë që nuk e merr trofeun prej emrit, por në bazë të punës dhe ky është rezultat fantastik.”
“Ka qenë një kompeticion me shumë garë deri në vitet e fundit, Ishte e hapur gara për kampion e rënien. Mund të them se ka qenë ndër kampionatet me të luftuara e më me shumë garë. Ajo që e ka munduar ka qenë periudha e COVID-19 dhe mungesa e spektatorëve. Edhe sot me një numër të kufizuar sot u pa mobilizimi, të kishim më shumë tifozë, do të kishim një hap më shumë.”
“Arbitrimi është ndër komponentët më të rëndësishëm dhe më i diskutuari. Nuk mendoj se do të jetë ndonjëherë i padiskutuar. Por duhet t’i afrohet saktësisë, do të kemi edhe ndihmën e teknologjisë dhe shpresojmë që ta bëjë më afër saktësinë 100% të arbitrimit”.
