Beteja ndaj Covid po jep rezultatet e saj duke pasur rastet më të ulëta të infektimeve në Shqipëri.
Sipas të dhënave të ministrisë së Shëndetësisë janë 29 bashki në shkallë vendi që rezultojnë se nuk kanë infektime me virustin Covid.
Ekspertët e Institutit të Shëndetit Publik thonë se rastet me koronavirus po bëhen gjithmonë e më të pakta, ndërsa në bashki si Mallakastra, Selenica, Divjaka, Himara, Vora, Mirdita apo Klosi prej dy javësh nuk është regjistruar asnjë i infektuar i ri.
“Kemi 29 bashki ku kemi 0 raste. Bashkitë më problematike janë Vau i Dejës, Librazhdi ku në to vazhdojmë të kemi numër të vogël, por kemi raste pozitive”, shprehet specialiste Rovena Daja për Klan TV.
Incidenca e rasteve me Covid ka rënë edhe këtë javë, por ka ende qarqe ku përhapja e Covid është më e madhe.
“Kemi një rënie të rasteve. Në javën e fundit, incidenca ka shkuar në 3.67 për 100 mijë banorë. Qarqet më problematike, ngelet, Gjirokastra, Tirana dhe Berati”.
Por ekspertët janë të bindur se moti i ngrohtë do favorizojë trendin rënës të infektimeve. Aktualisht në të gjithë vendin numërohen 551 raste aktive me Covid, 19% e të cilëve i përkasin grupmoshës 30-39 vjeç.
Bashkitë me zero Covid
Krujë
Has
Mirditë
Rrogozhinë
Mallkastër
Delvinë
Tepelenë
Ura Vajgurore
Divjakë
Fushë Arrëz
Selenicë
Belsh
Dibër
Roskovec
Bulqizë
Himarë
Peqin
Memaliaj
Kolonjë
Klos
Finiq
Vorë
Patos
Cerrik
Pustec
Poliçan
Këlcyrë
Libohovë
Konsipol
