Ish-futbollisti i Laçit, Kyrian Nuabueze, ka nisur aventurën e re në karrierë. Ish golashënuesi i Superligës ka firmosur me skuadrën e Kuala Lampur në kampionatin malajzian të futbollit.
Ka qenë vetë klubi malajzian që ka zyrtarizuar transferimin përmes një postimi në rrjetet sociale, ku i uroi mirëseardhjen sulmuesit 28 vjeçar.
Pas një provoje të suksesshme në Shqipëri, lojtari amerikan tashmë do të provojë të tregojë aftësitë e tij prej goleadori edhe në një kampionat të ndryshëm nga ato ku është aktivizuar së fundmi pasi para Superiores, Nuabueze ka luajtur në Maqedoninë e Veriut dhe Kosovë.
