Radhë të gjata makinash janë shënuar në aksin që lidh lagjen 13-të të qytetit të Durrësit me zonën e plepave.
Siç shihet dhe nga pamjet e siguruara nga Faxnews, trafiku në këtë aks të zonës së plazhit është krijuar për shkak të dyndjeve të mëdha të turistëve drejt qytetit bregdetar, por krahas kësaj ka ndikuar edhe defekti i një kamioni që ka bllokuar rrugën.
Lëvizja duket se është zhbllokuar tashmë, por radha e makinave vijon të mbetet e lartë.
Ajo që bie në sy është mungesa e uniformave blu, të cilët mund të ndihmonin qytetarët në lehtësimin më të shpejtë të trafikut.
