Policia e Vlorës ka arrestuar një 21 vjeçar pasi ka përndjekur një shtetase të mitur.
Burimet policore bëjnë me dije se shtetasi me iniciale K. K, 21 vjeç, banues në Selenic, u arrestua pasi dyshohet se në mënyrë të vazhdueshme ka përndjekur një shtetase të mitur 13 vjeçare.
Gjithashtu janë proceduar penalisht katër shtetas të tjerë të cilët për motive të dobëta kanë dhunuar fizikisht babë e bir.
Sipas njoftimit të policisë, u proceduan penalisht për veprën penale “Plagosje e lehtë me dashje” e kryer në bashkëpunim shtetasit A. A.,52 vjeç ,R. A., 22 vjeç, A. Z., 28 vjeç dhe F. I., 30 vjeç, banues në Selenic. Këta shtetas në datën 28.05.2021, pas një konflikti për motive të dobëta kanë goditur me grushta shtetasit Y. H. dhe D. H. ( babë dhe bir), banues në Selenic.
