Zbardhet dëshmia e autorit të dyshuar të krimit që tronditi mbrëmjen e djeshme Shkodrën. Policia tha se ka arrestuar 47-vjeçarin Mark Kodra, i cili dyshohet se qëlloi me kallashnikov në drejtim të 25 vjeçarit, Emiljano Ndou.
Nga raportimet mësohet se Kodra në dëshminë e dhënë para policisë ka thënë se 25 vjeçari i kishte kaluar para banesës me motor dhe ai kishte marrë armën e zjarrit duke e qëlluar. Mësohet se pas krimit 47 vjeçari ka qëndruar në banesën e tij, ku edhe u arrestua nga policia.
Dyshohet se mes viktimës dhe autorit të dyshuar të krimit kishte një përplasje për shkak se 25-vjeçari i kishte ngacmuar vajzat 47-vjeçarit.
“Nuk e durova më, ma ka sjellë në majë të hundës”, mësohet të jetë shprehur 47-vjeçari para policisë.
Policia e Shkodrës në njoftimin zyrtar tha se ka sekuestruar armën e zjarrit kallashnikov, me të cilën dyshohet se autori kreu krimin.
“Në fshatin Bardhaj, në afërsi të një kalçetoje, dyshohet se një konflikti për motive të dobta shtetasi M.K, 47 vjec, banues në fshatin Bleran Bardhaj, ka vrarë me armë zjarri shtetasin E.N, 25 vjeç, banues ne Bleran Bardhaj.
Falë reagimit në kohë dhe veprimeve të shpejta e profesionale të kryera nga Policia, u bë e mundur identifikimi dhe kapja brenda pak minutash e autorit të dyshuar të vrasjes.
Grupi hetimor nën drejtimin e Prokurorisë po punon pēr sqarimin e rrethanave dhe dokumentimin e plotë të kësaj ngjarjeje”, tha policia.
