Ish-ministri i Drejtësisë, Ylli Manjani ironizon ambasadoren amerikane në vendin tonë Yuri Kim, teksa shprehet se “nuk ka më pandëshkueshmëri në vend”.
Në një intervistë mediatike pak ditë më parë, Kim u shpreh se “kohës së pandëshkueshmërisë po i afrohet fundit”.
Në një postim në rrjetet sociale, Manjani shkruan: “Ndërtuesi X apo pronari i medias Y, merr nga pushteti tokë e prona publike me 1 ose hiç euro dhe quhet ligj. Ndërsa kur tokën e merr pronari legjitim dhe e zhvillon quhet korrupsion!!! Me përmasa të mëdha madje”.
“Sa të rrojmë do mësojmë- thotë shprehja. Por këtë mësim e dimë tashmë. Deshëm thjesht të jetojmë e të mos dëgjojmë më kësi pislliqesh, por qenka e pamundur. Si tha Ajo? S’ka më pandëshkueshmëri… Vërtetë s’ka”, përfundon ai.
Ndërkohë, në një replikë në rrjetin social, ai shton:
“Më pëlqeu shumë një shprehje e jotja… ‘Një shtet që më fut vizë, i fus vizë edhe unë’… madje tash erdhi koha (çuditërisht), që ti fusim vizën e kuqe edhe shprehjeve (dukshëm të gënjeshtërta) të ambasadorëve qesharakë që duan te na mbushin mendjen për pandëshkueshmërinë, dhe për sukseset e ‘mëdha’ të reformës (së ngordhur që në nisje) të drejtësisë në atdheun e Arnautëve…”
