Drejtuesi i SPAK, Arben Kraja u shpreh këtë të Premte se hetimet për tenderat janë raste që kërkojnë shumë punë e hetime, duke u justifikuar në një farë mënyrë për mosfinalizim të hetimeve të kësaj natyre.
Kraja raportoi në Këshillin e Lartë të Prokurorisë, ku bëri një bilanc të punës së vitit 2020. Ai u pyet nga një prej antareve, lidhur me hetime për parregullsi në tendera.
“Një nga veprat penale që është kompetencë e SPAK është shkelja e barazisë në tender. Hetojmë kur ka kallëzime. Janë raste që kërkojnë shumë punë dhe hetime dhe i kemi në përparësinë tona”, u shpreh shkurtimisht drejtuesi i Prokurorisë së Posaçme Kundër Korrupsionit dhe Krimit të Organizuar.
