Kandidati për kryetar në PD, Agron Shehaj i ftuar në ‘Zonë e Lirë’, ka komentuar futjen e tij në farë për kreun e partisë më të madhe opozitare.
Shehaj tha se ai futet në këto zgjedhje pasi e sheh si borxh ndaj demokratëve dhe ndaj shqiptarëve.
Sa i përket pyetjes se përse e sfidoi Bashën, Shehaj theksoi se ai nuk ka asnjë borxh ndaj kreut në detyrë të PD.
Pjesë nga Biseda:
Çani: Pse e sfidove Bashën?
Shehaj: Lulzim Basha më ka afruar në PD në 2017-n, sepse kishte një strategji të vetën, pasi mendonte se duke afruar figura të reja do ta ndihmonte të fitonte në zgjehdjet e 2017-s. Unë ju përgjigja asaj ftese. Kam punuar si deputet i PD, kam përfaqësuar demokratët në PD dhe mendoj se e fitova të drejtën për të rikandiduar. Punova fort në zgjedhjet e 25 prillit, mendoj se e kam bërë detyrën time.
Çani: Pra ju nuk i keni borxh Bashës?
Shehaj: Unë u kam borxh demokratëve dhe shqiptarëve. Ata resin që unë të reagoj dhe të mos heshtë.
