Partizani është në kohë rinovimesh për sezonin e ri. Klubi i kuq do të luajë në Europë gjatë verës, ndërsa të shumtë janë lojtarët që nuk kanë një kontratë me klubin. Mala, Asani dhe Broja janë emrat që klubi po tenton të rinovojë, ndërsa lojtarët kanë kërkesa për paga më të larta.
Duket se interesi që klubi ka ndaj tyre do bëjë që kushti të pranohet, teksa ofertat për ta nuk mungojnë edhe nga jashtë Shqipërisë. Situata është disi më e vështirë për Jasir Asanin, me lojtarin që ka disa oferta dhe e ka shprehur dëshirën për t’u larguar.
Çinari tanimë mund të konsiderohet i larguar, me Dajën që ka kthyer sytë nga kapiteni i Rabotniçkit në Maqedoninë e Veriut. Goran Siljanovski ka qenë edhe më herët nën urdhërat e Dajës te Flamurtari, ndërsa mbrojtësi shihet si një opsion.
