Modelja britanike, Stephanie Dubois, ka vdekur disa ditë pasi ka marrë vaksinën AstraZeneca në Qipro.
Autoritetet shëndetësore të Qipros kanë thënë se ajo nuk kishte pasur probleme të tjera shëndetësore.
“Lidhja e mundshme e vdekjes së Stephanie me marrjen e vaksinës akoma nuk është konfirmuar, ndërsa vdekja e saj do të hetohet nga Agjencia Evropiane e Barnave (EMA) “– ka bërë të ditur një zëdhënës i shërbimit shëndetësor qipriot.
“Dubois e kishte marrë dozën e parë të vaksinës më 6 maj dhe lajmin e kishte shpërndarë në rrjetet sociale. Më 14 maj ishte dërguar në spital pasi kishte përjetuar dridhje trupore dhe kishte pasur probleme me frymëmarrjen “– njofton Evening Standard.
