Bledi Shkëmbi pritet të jetë trajneri i ri i Dinamos. Palët duket se kanë një akord total mes tyre, me korçarin që pas eksperiencës në Kosovë me Ballkanin do rikthehet sërish në Superligën shqiptare. Kthimi në Superligë pas 9 sezonesh pritet të sjellë revolucion te Dinamo, me presidencën e re që kërkon suksese në Europë.
Më së pari duhet të prezantohet trajneri i ri, teksa lojtarët kanë marrë pushimët pas një sezoni të gjatë dhe të suksesshëm. Emri i parë për merkaton është ai i Olsi Teqjas, me qendërmbrojtësin që është stërvitur me skuadrën. Nuk përjashtohet mundësia që emra të njohur të kampionatit të bashkohen me Nëndetësen në merkato, teksa priten ndryshime madhore.
