Melburni ndihet i rrezikuar nga varianti indian i Covid-19, duke vendosur kështu izolimin prej 7 ditësh. Shteti Australian ka treguar se masa e marrë prek rreth 5 milionë banorë, të cilët do të mund të largohen nga shtëpitë vetëm për çështje urgjente apo për t’u vaksinuar.
Melburni shënon herën e 4 të izolimit total që nga fillimi i pandemisë.
Kryeministri i përkohshëm i shtetit, James Merlino, tha se janë parë shumë prova për një shkallë shumë ngjitëse të virusit, një variant shqetësues, i cili po funksionon më shpejt. Sipas tij, përhapja e virusit po ndodhë për shkak të variantit të ri të zbuluar së pari në Indi, por ai fajësoi edhe procesin e ngadaltë të shpërndarjes së vaksinave. Aktualisht, rreth 3.7 milionë doza vaksinimi janë dhënë deri më tani në një popullsi prej 25 milionësh.