Autoritetet shëndetësore në Greqi u shprehën të shqetësuara pasi një burrë vdiq dhe një i dytë ndodhet në gjendje kritike, pak orë pasi morën vaksinën Pfizer-BioNTech, raporton noa.al duke cituar TV Open Beyond në Athinë.
Burri 52 vjeçar që humbi jetën ishte nga Ierapetra, ishulli Kretë. Ai pësoi atak kardiak një ditë pasi mori vaksinën Pfizer-BioNTech dhe ndërroi jetë pak minuta më vonë.
Sakaq po sot u raportua se një burrë 60 vjeç nga Xanthi zhvilloi fibrilacionin atrial ventrikular pasi u vaksinua kundër koronavirusit me vaksinën Pfizer. Ai u dërgua në gjendje kritike në spital, thuhet në raportin që publikoi gazeta “To Vima”.
Autoritetet kompetente pretendojnë se nuk duket që të dy rastet kanë të bëjnë me vaksinat, megjithatë, shtuan ata, do të bëhet kontrolli i nevojshëm për të përcaktuar se në çfarë mase lidhen këto dy ngjarje të 24 orëve të fundit.
Është hera e parë që raportohet për persona të vdekur pasi kanë marrë vaksinën Pfizer-BioNTech. Deri tani ka pasur disa raportime për të vdekur që ishin vaksinuar me AstraZeneca.
