Policia e Fierit ka arrestuar dy persona të akuzuar si përfshirë në veprimtarinë kriminale në fushën e kultivimit të bimëve narkotike. Dritan Vasiu (Koçi) dhe Artur Merko janë vënë në pranga.
“Në vijim të operacionit policor të zhvilluar më datë 19.05.2021, si rezultat i të cilit u arrestuan në flagrancë 2 shtetas të cilët u kapën në pyllin e Semanit duke kultivuar në kubikë fidanë cannabis sativa, pas hetimeve të kryera dhe punës së mirorganizuar, nga Komisariati i Policisë Fier, në bashkëpunim me Prokurorinë e Rrethit Gjyqësor Fier u bë ndalimi i dy shtetasve të tjerë të përfshirë në këtë veprimtari kriminale. Specialistët për Hetimin e Krimeve në Komisariatin e Policisë Fier ndaluan për veprën penale ‘Kultivimi i bimëve narkotike’ kryer në bashkëpunim, shtetasit Dritan Vasiu (Koçi), 46 vjeç, banues në Mbrostar-Ferko, Fier (i cili ishte shpallur në kërkim policor) dhe Artur Merko, 52 vjeç, banues në Fier. Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale”, njoftoi polica.
