Ish-Kryeministri Sali Berisha u shpreh mbrëmjen e sotme se Bujar Nishani ka qenë një nga bashkëpunëtorët e tij më të shkëlqyer.
Berisha u pyet lidhur me një deklaratë të Nishanit, sipas të cilit, Lulzim Basha, ka qenë në dijeni të vendimit të DASH për përfshirjen e ish-Kryeministrit në listën e zezë, ndaj dhe ofroi datën e zgjedhjeve në PD.
Berisha tha se nuk e beson që Lulzim Basha të ketë ndikuar në procesin e shpalljes së emrit të tij në listën e zezë të DASH.
“Nuk kam asnjë provë dhe fakt për fjalët që qarkullojnë, nuk e besoj se Lulzim Basha të ketë ndikuar në këtë situatë”, tha Berisha.
Ish-Kryeministri tha se ka mbetur i habitur nga fakti që Këshilli Kombëtar i PD votoi në mënyrë unanime për mbajtjen e zgjedhjeve në këtë periudhë, ndërkohë që duhej të faktonin manipulimin zgjedhor dhe të bëhej një analizë e thellë.
“U habita ishte një vendim unanim, si nga ata që kërkonin largimin e Bashës ashtu edhe nga ata që mbështesnin Bashën, ndaj dhe nuk u ngatarrova”, tha Berisha.
