Ish-kolegët e gazetarit të arrestuar në Bjellorusi Roman Protasevich kanë thënë se shqetësohen për jetën e tij, pasi një fluturim i kompanisë Ryanair është detyruar të devijojë rrugën të dielën. Protasevich, 26-vjeçar dhe e dashura e tij Sofia Sapega, 23-vjeçare, janë duke u mbajtur nga autoritetet bjelloruse.
“Roman është më në rrezik sesa secili i burgosur tjetër politik në Bjellorusi”, ka thënë Stephan Putsila për BBC-në.
Protasevich ka thënë se frikësohet për dënim me vdekje pasi është futur në listën për terrorizëm. Ai përballet me akuza të lidhura për raportimin e tij rreth zgjedhjeve të diskutueshme në Bjellorusi në gusht të vitit të kaluar, dhe për shtypjen e protestave masive opozitare atje. Bjellorusia është i vetmi vend në Evropë që ende ekzeukuton të burgosurit.
Protasevich dhe Sapega janë ndaluar të dielën, pasi Bjellorusia ka angazhuar një aeroplan ushtarak që të detyrojë aeroplanin që fluturonte nga Athina në Vilnius, që të ulej në Minsk, kryeqytetin bjellorus. Shtetet perëndimore akuzojnë Bjellorusinë për rrëmbim të aeroplanit që është detyruar të ulet në këtë shtet pas supozimeve për kërcënim me bombë. Presidenti bjellorus Alexander Lukashenko pritet që t’i drejtohet parlamentit më vonë gjatë ditës së mërkurë.“Ne tregojmë çfarë ata duan të fshehin”
Putsila, i cili bashkë me Protasevich kanë bashkëthelemuar kanalin Nexta në Telegram, ka thënë se Qeveria bjelloruse, nën drejtimin e Lukashenkas, “frikësohet nga ne sepse e tregojmë të vërtetën”.
Nexta ka më shumë se 1 milion ndjekës dhe është shfrytëzuar për mobilizim të protestave në rrugë vitin e kaluar.“Ne tregojmë çfarë ata duan të fshehin”, ka thënë ai.
“Nëse për regjimin ka aq shumë rëndësi ulja e aeroplanit ku ishte Romani, atëherë ne jemi duke bërë diçka të mira, ne do të vazhdojmë luftën”.
Putsila ka shtuar se ndonëse në të kaluarën ka pranuar kërcënime për vdekje, ai tani ato po o konsiderohen me ‘seriozitet”.
Komentet e tij kanë ardhur pasi familjet e Protasevich dhe Sapegas, të cilat janë deklaruar publikisht pas ndalimit, kanë folur edhe për shqetësimet e tyre për siguri.
“I bëj thirrje gjithë komunitetit ndërkombëtar që ta ruajë atë”, ka thënë nëna e Protasevichit, Natalia.
Në video-deklaratën e Sapegas ajo ka thënë se është redaktore e një kanali në Telegram që publikon informacion personal për zyrtarët policorë në Bjellorusisë.
Megjithatë ka pasur zëra se ajo mund të ketë folur nën presion.
“Sot Sophia është marrë në pyetje. Ajo është akuzuar për kryerje të veprave penale. Ajo është ndaluar për dy muaj”, ka thënë avokati i saj Alexander Filanovich, për BBC-në në gjuhën ruse.
Nëna e Sapegaas ka hedhur dyshime rreth deklaratave të vajzës së saj, të publikuara nga një kanal pro-qeveritar në Telegram.
“Ajo lëkundet, sytë i ka në qiell, pasi është e frikësuar se mos harron diçka”, ka thënë ajo për BBC-në.
“E kam zmadhuar videon sa më shumë që është e mundur, duket mirë. Ne jemi duke paketuar rroba të trasha, do të shkojmë në Minsk. Dua t’i jap asaj diçka, është vetëm me një xhaketë të hollë”.
Të hënën, autoritetet bjelloruse kanë publikuar një video të Protasevich, që po ashtu besohet se ka qenë i detyruar të flasë.
Nëna e tij ka thënë për agjencinë e lajmeve AFP se që atëherë nuk ka fjetur.
Ajo ka shtuar se djali i saj është duke “luftuar për drejtësi”.
“Ata kanë nisur aeroplan ushtarak për ta marë atë. Është akt terrorizmi, nuk besoj se mund të quhet ndryshe. Ai është marrë peng. Kjo është hakmarrje e pastër”, ka thënë mes tjerash ajo
