PD reagoi pasi KAS rrëzoi me shumicë votash ankimet e kësaj force politike për shpalljen e pavlefshme të zgjedhjeve në Durrës e Shkodër, dhe ripërsëritjen e votimeve.
Përfaqësuesi i PD në Komisionin Qendror të Zgjedhjeve, Marash Logu, tha për mediat se, duhet të shmangen urdhrat politikë që vijnë në telefonat e anëtarëve të komisionit gjithmonë para çdo vendimi.
“Urdhrat vijnë nga Edi Rama, Taulant Balla, apo Damian Gjiknuri. U refuzuan plot 114 herë kërkesat tona për marrjen e provave që vërtetojnë vjedhjen e votave. Në qarkun e Durrësit pati një organizim të mirëfilltë për blerjen e votës. Blerje votash masive pati dhe në Shkodër, ku Tom Doshi me lidhjet e tij kriminale bleu vota. Burimet shtetërore në qarkun e Tiranës, Durrësit, etj, u përdorën për mazhorancën”, tha ai.
