“Teuta të mos festojë para kohe”, Brdariç: Sfida ndaj Laçit është e rëndësishme për të gjithë Shkodrën

Ndeshja e tretë që vlen titullin kampion është ajo mes Vllaznisë dhe Laçit në “Loro Boriçi” e cila nuk përcakton direkt trofeun e kampionit pasi mbetet gjithçka në dorën e sfidës tjetër, Teuta-Apolonia. Një fakt të tillë e pranon edhe trajneri Brdariç i cili nuk pranon të dorëzohet ende.

“Për sa kohë sezoni nuk pa përfunduar, na lejoni të fokusohemi te kjo ndeshje. Duhet të jemi të fokusuar te kjo ndeshje. Është një ndeshje e rëndësishme jo vetëm për ne, por për të gjithë Shkodrën. I gjithë qyteti do i ketë sytë të ne. Ne duhet të përqendrohemi te ndeshja jonë, të mos presim nga të tjerët. Duhet të bëjmë lojën tonë. Kemi arritur objektiva. Kemi arritur Europën. Janë ndeshje në sytë e të gjithëve”.

Trajneri i shkodranëve e quan një finale të madhe ndeshjen me kurbinasit ndaj të cilëve duhet bërë maksimumi dhe të mos pritet nga askush tjetër, qoftë dhurata nga Apolonia.

“Nesër është ndeshja si finale e sezonit. Është java e fundit, për ne është si një ndeshje tjetër. Jemi komplet të fokusuar në këtë ndeshje.
Nesër do jetë një betejë në të gjitha fushat e Superiores. Ne duhet të fokusohemi te ndeshja jonë. Kur ndeshja të përfundojë, do shikojmë rivalët dhe të bëjmë llogaritë për sezonin. Nesër nuk duhet të futemi në fushë, me idenë sa gola do shënojmë. Duhet të futemi në fushë me idenë si do e ftojmë ndeshjen. Laçi është një skuadër e fortë dhe me një trajner të mirë. Të futemi në fushë për të bërë futboll”.

I pyetur mbi të ardhmen tani që Superiores po i vjen fundi, Brdariç nuk komenton asgjë pasi sipas tij fokusi mbetet Laçi edhe sipas tij te Teuta tashmë e quajnë fituar titullin.

“Të përqendrohemi te ndeshja më mirë. Vllaznia është në proces shitje dhe pronarët e rinj do të vendosin për të ardhmen. Të shikojmë çfarë do të ndodhë. Duhet të shikojmë gjerat pozitive nga ky sezon, pas këtyre ndeshjeve mund të flasim. Unë ndoshta nuk e dinë se është një javë. E quajnë titullin të fituar. Të shikojmë çfarë do ndodhë”, përfundoi Brdariç në konferencën për shtyp.