Klubi i Vllaznisë ka dalë me një deklaratë zyrtare teksa sqaron se duke patur parasysh se stadiumet janë të mbyllura për arsye të pandemisë globale të COVID-19, edhe sfida e fundit të kampionatit e cila është vendimtare për titullin kampion ndaj Laçit, dyert e stadiumeve do të jenë të mbyllura.
NJOFTIMI I KLUBIT TË VLLAZNISË
“SQARIM
KF Vllaznia ju bën të ditur të gjithë tifozëve të saj se pavarësisht zërave që kanë qarkulluar ditët e fundit, stadiumet shqiptare vazhdojnë të jenë të mbyllura si rrjedhojë e rregullave të vendosura nga institucionet shtetërore për shkak të situatës së krijuar nga covid-19. Për këtë arsye, edhe në ndeshjen e nesërme, atë ndaj Laçit që është e fundit e këtij kampionati, prania e tifozëve në shkallët e stadiumit “Loro Boriçi” është sërish e pamundur. Mbetemi me shpresë që të paktën në ndeshjen finale të Kupës së Shqipërisë ndaj Skënderbeut, të kemi një numër tifozësh në shkallët e stadiumit për të mbështetur skuadrën e tyre të zemrës.
Forca Vllaznia!🔴🔵”
