Presidenti i Këshillit të BE-së, Charles Michel përmes një reagimi në Twitter ka akuzuar Rusinë për veprime ilegale dhe provokative ndaj shteteve anëtare të Bashkimit Evropian.
Michel ka shkruar se i dënojnë veprimet e Rusisë dhe do të rishikojnë marrëdhniet BE-Rusi në qershor.
“Ne dënojmë aktivitetet e paligjshme, provokuese dhe përçarëse të Rusisë kundër BE-së dhe Shteteve të saj anëtare. Ne do të bëjmë një rishikim për raportet BE – Rusi në qershor në linjë me 5 parimet dhe vlerat e interesat tona themelore”, ka thënë ai.
Këto reagime të zyrtarëve të BE-së, vijnë pasi presidenti i Bjellorusisë dërgoi një avion luftarak për të kapur një avion evropian që udhëtonte nëpër hapësirën ajrore të vendit të dielën dhe urdhëroi që aeroplani të ulej në kryeqytetin, Minsk, ku më pas u kap një gazetar i shquar i opozitës në bord, duke nxitur zemërim ndërkombëtar.
