Drejtori i përgjithshëm i OBSH shprehu sot keqardhje që një grup i vogël vendesh po monopolizojnë vaksinat kundër COVID-19 dhe kërkoi që të paktën 10% e popullsisë së çdo vendi të mund të vaksinohet deri në shtator.
“Më shumë se 75% e çdo vaksine janë administruar në vetëm 10 vende”, konfirmoi kreu i Organizatës Botërore të Shëndetësisë, Tedros Adhanom Ghebreyesus, në hapje të takimit të përvitshëm të anëtarëve të agjencisë shëndetësore të Organizatës së Kombeve të Bashkuara.