Erald Çinari është drejt largimit nga Partizani. Sulmuesi shkodran pritet të luajë ndeshjen e fundit me të kuqtë në Ballsh kundër Bylisit.
Kontrata i përfundon dhe aventura e tij e radhës do të jetë jashtë vendit, në Turqi ku numri i lojtarëve shqiptarë është shtuar shumë.
Abcnews.al raporton se aventura e radhës e 24-vjeçari do të jetë Samsunspor, në ligën e dytë turke. Palët janë në bisedime të avancuara dhe besohet se shpejt do të konkretizohet marrëveshja.
Çinari ka spikatur këtë sezon në Superiore, duke shënuar 8 gola në 21 ndeshje. Fakti që në përfundim të këtij sezoni i mbaron kontrata me Partizanin, e favorizon të firmosë jashtë dhe me kushte të mira financiare.
