Historia përsëritet për trajnerin Ilir Daja, pasi para katër vitesh, pikërisht më 20 maj 2017, kur ishte trajner i Skënderbeut, një skandal shpërtheu në stadiumin e Kukësit, ku verilindorët fituan 2-0 ndaj korçarëve duke u shpallur kampionë.
Në këtë takim protagonist ishte i njëjti arbitër si dje për trajnerin Daja, Enea Jorgji, i cili me mohimin e një penalltie për Skënderbeun, bëri që korçarët të shpërthenin ndaj arbitrit elbasanas.
Mbrojtësi Tefik Osmani tërhoqi gjyqtarin Jorgji. Në fushë ka sherr, madje Hamdi Salihi i merr kartonin e kuq arbitrit dhe ia gris atë. Ky takim vendosi fatin e titullit për Kukësin. /Panoramasport
