Egnatia ka triumfuar në finalen e Kategorisë së Parë, teksa ka mposhtur minimalisht Dinamon në “Elbasan Arena”, duke fituar kështu titullin kampion.
Një gol i Ndriçim Shtubinës në minutën e 93’, i dha fitoren rrogozhinasve, që e mbyll sezonin me trofeun e kampionit.
Dalja e gabuar e portierit Bakaj, bëri që Dinamo të humbiste këtë ndeshje, e cila ishte e luftuar nga të dyja ekipet. Pavarësisht kësaj humbje, te Dinamo mund t’i gëzohen këtij sezoni për ngjitjen në Superiore, që mungonte prej 9 vitesh.
Kjo ndeshje vlen edhe për milionat, pasi FSHF-ja akordon 30 milionë lekë shpërblim për më të mirën e kësaj lige, të cilat shkojnë për Egnatian në këtë rast.
