Mbi 7,200 raste të mucormikozës të raportuara, zakonisht në pacientë me diabet ose sistem të imunitetit të komprometuar
Shtetet në të gjithë Indinë kanë filluar të deklarojnë një epidemi të re, atë të “kërpudhave të zeza” ndërsa rastet fatale të infeksionit të rrallë shpërthejnë tek pacientët që shërohen nga Covid-19.
Sëmundja e kërpudhave, e quajtur mukormikozë, ka një normë vdekshmërie 50%. Ndikon tek pacientët fillimisht duke i prekur në hundë, por kërpudhat mund të përhapen më pas në tru, dhe shpesh mund të kurohen vetëm me operacion të madh, duke hequr syrin ose pjesën e kafkës dhe nofullës.
Zakonisht është një sëmundje e rrallë. Më shumë se 7,200 njerëz në Indi tani janë raportuar me mukormikozë dhe 219 kanë humbur jetën.
Rritja e infeksioneve të kërpudhave të zeza, kryesisht te pacientët që kishin shfaqur raste të rënda të Covid-19, ka qenë e lidhur me një përdorim të tepërt të steroideve në trajtimin e koronavirusit, i cili mund të kompromentojë në mënyrë akute sistemin imunitar nëse merret për një periudhë të zgjatur. Incidenca e lartë e diabetit në Indi është gjithashtu shkak, prej niveleve të larta të sheqerit në gjak të lidhura me ndjeshmërinë. India ka nivelin e dytë më të lartë të diabetit në botë.
Është raportuar gjithashtu se ajo ka prekur edhe pacientët Covid të cilët ishin në ventilator në njësitë e kujdesit intensiv, për shkak të rrugëve të tyre të frymëmarrjes të ekspozuara ndaj lagështisë.
Sëmundja është shkaktuar nga sporet e kërpudhave që gjenden në tokë dhe lëndë organike, që zakonisht thithen nga njerëzit përmes ajrit. Myku hyn në trup dhe pastaj shfaqet rreth hundës dhe rreth syve. Kjo bën që hunda të nxihet, dhe nëse nuk ndalet do të lëvizë fatalisht në tru. Individët e shëndetshëm zakonisht i luftojnë kërpudhat, por mund të përhapen shpejt tek ata me imunitet të kompromentuar.
Deri më tani pesë shtete, Tamil Nadu, Odisha, Gujarat, Rajasthan dhe Telangana, kanë deklaruar që kërpudhat e zeza janë një epidemi dhe pritet që më shumë shtete indiane kjo sëmundje të përhapet.
Këshilli Indian i Kërkimeve Mjekësore ka lëshuar një këshillë për diagnostikimin dhe trajtimin e sëmundjes.
Maharashtra, shteti i parë që u godit rëndë nga vala e dytë Covid e Indisë, ka raportuar më shumë se 1,500 raste dhe 90 vdekje, shifrat më të larta në Indi.
Edhe spitalet në Delhi gjithashtu kanë filluar të raportojnë një rritje të paparë të rasteve – më shumë se 15-20 raste të reja në ditë në disa spitale, krahasuar me normat e mëparshme të një ose dy rasteve në muaj.
Në Delhi dhe Bangalore, aktualisht ka lista të pritjes për shtretër për trajtimin e sëmundjes.
