Lulzim Basha ka dorëzuar zyrtarisht formularin e kandidimit për zgjedhjen e kryetarit të ri brenda partisë. Njësoj si kandidatët e tjerë, Basha ka plotësuar dokumentet e nevojshme.
Basha kërkon të vijojë të drejtojë Partinë Demokratike, edhe pse një pjesë e demokratëve kanë kërkuar dorëheqjen e tij, për shkak të humbjes së zgjedhjeve parlamentare të 25 prillit.
Ndërkohë, Fatbardh Kadilli, Edith Harxhi, Ibsen Elezi dhe Lisandër Hoxha do të jenë kandidatët që do të sfidojnë Bashën në garën për kreun e PD.
Basha, Kadilli dhe Harxhi kanë dorëzuar sot kërkesat zyrtare, ndërkohë që Elezi dhe Hoxha do të shfrytëzojnë ditën e fundit të afatit për të zyrtarizuar kandidaturën.
Procesi i zgjedhjes brenda partisë do të qëndrojë i hapur deri më 22 maj, ndërsa më 23 do të duhet që të gjitha kandidaturat të depozitohen zyrtarisht. Zgjedhjet për kryetarin e ri të Partisë Demorkatike, do të mbahen në datën 13 qershor.
