Erion Xhafa foli për penalltinë e akorduar në ndeshjen Partizani – Vllaznia përfunduar me shifrat 0-1. Ishte pikërisht 11-metërshi që vendosi fatin e takimit teksa Enea Jorgji u mendua disa minuta për ta dhënë në favor të shkodranëve. Pikërisht ky rast ka nxitur debat dhe polemika të mëdha në vendin tonë.
Erion Xhafa i pranishëm në panelin e “Gol pas Goli” shpjegoi momentin duke treguar se elbasanasi kishte gabuar. “Për mua s’është penallti. Madje po ua tregoj ndryshe. Vjet isha pjesë e stafit teknik të Tiranës dhe duke qenë se rregullat ndryshojnë vit pas viti, bënim seminare me arbitrat. Na tregonin se si duhej t’i stërvisnim lojtarët. Fillimisht ka qenë që në zonë duhet të jenë me duart pas trupi, por ashtu nuk vrapon dot.
Ndaj u vendos që dora në pozicion natyral të konsiderohet dhe kur është para trupit. Mjafton mos të jetë e hapur dhe në rastin e Belicës, parakrahu është para dhe s’ka se si të ketë penguar. Dora quhet e hapur kur është e larguar nga trupi. Aty vetem ta sharronte ai”, përfundoi Xhafa.
