Policia italiane ka arrestuar një 32-vjeçar shqiptar në Santeramo, pasi akuzohet për trafikim të lëndëve narkotike.
Mësohet se shqiptari me të kuptuar se po ndalohej nga policia italiane, ka tentuar të largohet, duke bërë rezistencë ndaj tyre, ku dhe plagosi një nga efektivët.
Po ashtu, gjatë kontrollit në banesën e 32-vjeçarit shqiptar, policia sekuestroi rreth 100 gram marihuanë e 40 gram kokainë, e ndarë në 16 copa të vogla, gati për tu shitur.
Gjithashtu, policia italiane theksoi se u zbuluan edhe disa materiale që shërbenin për paketimin e drogës në doza të vogla, duke përfshirë edhe një peshore elektronike, si dhe një shumë parash prej 8 mijë euro./ Panorama
