Ish-kryeministri Sali Berisha paralajmëroi padi në një gjykatë të Parisit ndaj Sekretarit amerikan të Shtetit Antony Blinken, i cili lajmëroi dje se Berisha është shpallur “non grata” nga SHBA.
Blinken e akuzoi Berishën për “korrupsion madhor” dhe njoftoi se ish-kryeministrit dhe familjes së tij i ndalohet hyrja në SHBA.
Berisha shpjegoi se po e ndërrmer aktin për “çështje dinjiteti”.
“Që kur kam prekur rrogën e parë dhe deri dje s’ka njëri në botë që mund të thotë se unë kam qenë i implikuar në një aferë të çfarëdoshme korruptive. Kam udhëzuar avokatin në një vend neutral dhe të respektuar si Franca që të ngrejë ndaj zotit Blinken padi direkte për gjykatën korreksinale të Parisit për shpifje publike. Zoti Blinken mund të pretendojë se sipas rregullave si sekretar shteti përfiton imunitetet, kjo është gënjeshtër. Imuniteti sot vlerësohet nga gjykatat në një mënyrë relative ç’ka do të thotë se sekretari Blinken është i mbrojtur kur kryen akte normale si përfaqësues i qeveris së tij. Por duke nisur nga momenti kur bëhet auktor i një komedie apo montazhi politik të destinuar për të më dëmtuar mua, kjo hyn në funksionet e një ministri. Asnjë qeveri kushdo qofte s’mund të ketë funksion shpifjen e përbaltjen. Sipas avokatit tim, zoti Blinken s’është i mbrojtur nga asnjë imunitet. Ndaj do paditet dhe dënohet nga gjykata e Parisit, ku është ngritur padia nga avokati im”, tha Berisha në një konferencë për mediat.
“Një vendim ky i paparashikuar ndonjëherë në jetën time. Çështja e dinjitetit është më thelbësorja e njeriut. Nëse i pret tjetrit nderin dhe dinjitetin ti e zhvlerëson atë për vetën familjen miqtë dhe komunitetin ku jeton”, shtoi ai.
“Kur pas tetë vitesh larguar nga drejtimi të shkelet dhe nëpërkëmbet dinjiteti im, unë detyrohem të marr një akt të tillë, jo si akt ndaj SHBA ndaj të cilëve ruaj qëndrime konstante, por ndaj një njeriu pa asanjë provë, dhe argument, ka renditur akuza që s’i ka renditur kush ndaj meje”, vijoi ish-kryeministri.
“Nëse sekretari i Shtetit do të paraqiste prova do të konsideroja çdo gjë, natyrisht jo prova të montuara në Tiranë në zyrat e Edi Ramës. Le të nxjerrin prova. Unë kam hapur gjyq e ti paraqesin para gjykatës. Ai është diplomati m ë i fuqishëm në botë unë qytetar privat, por besoj tek drejtësia. Unë kërkoja që paraqiteshin prova kundrejt meje, por një gjë e tillë nuk u bë, prandaj do të këmbëngul që të paraqiten prova në gjykatë”, tha ai.
Të gjitha deklaratat e ish-kryeministrit
A e inicioi Donald Lu vendimin e DASH? Berisha jep përgjigjen dhe zbulon bisedat me miqtë amerikanë
Akuza për aleatët/ Berisha: Nuk kam ndihmuar asnjë, Mediut i hoqa imunitetin pas Gërdecit
Çfarë qendrimi duhet të mbajë PD ndaj Yuri Kim pas deklaratave të DASH? Ja çfarë thotë Berisha
A qendron Xhorxh Soros pas akuzave të DASH? Ja si përgjigjet Berisha
Heshtja e Metës për vendimin e DASH, ja si e komenton Berisha
Deklaratat e Palmer për të, Berisha: Do e shqyrtoj dhe reagimin e tij
Qendrimi i Bashës pas deklaratave të DASH, ja si shprehet Berisha
