Nuk është e lehtë të refuzohet një klub i madh, aq më shumë kur të ofron mundësinë që të fitosh dhe të ndash fushën me një kampion si Leo Messi.
Dusan Tadic ka zbuluar se e ka refuzuar Barcelona-n dhe se nuk është aspak i penduar.
“Ka qenë një mundësi vitin e kaluar, por kam refuzuar. Është vendimi më i mirë që kam marrë në jetën time, ai që të vij tek Ajax dhe të qëndroj këtu”, ka thënë 32-vjeçari.
“Ka qenë gjithmonë klubi i ëndrrave të mia për filozofinë që ka, për kampionët e mëdhenj që kanë luajtur këtu, historinë dhe tifozët. Ajax është klubi më i bukur nga të gjithë dhe një nga skuadrat më të mira të Europës”, ka shtuar serbi.
“Është e pabesueshme: të gjithë do të donin të luanin këtu dhe duam të jemi më të fortët në Europë. Nëse do të përmirësohemi në disa detaje, do të mund të bëjmë diferencën edhe në Europë”.
