Portierët e Kombëtares me valixhe në duar, ja destinacionet e mundshme

Thomas Strakosha, Etrit Berisha dhe Gentjan Selmani pritet që të jenë në merkato këtë verë. Kjo për vetë situatën dhe paraqitjet që kanë bërë, ku të tre portierët shqiptarë meritojnë një vend më të mirë sesa ku ndodhen aktualisht.

Strakosha, për vetë mos vlerësimin këtë sezon nga Lacio, meriton një skuadër që t’i krijojë hapësirë për të treguar vlerat. Zërat e merkatos nuk mungojnë dhe gjasat janë që të ndahet këtë verë me bardhekaltrit.

Etrit Berisha gjithashtu pritet që të ndahet nga SPAL, për të tentuar një tjetër sezon në Serinë A. Në Turqi, Gentjan Selmani ka qenë një nga pikat më të forta të Bolusporit dhe në adresë të tij ka pasur shumë oferta nga elita e futbollit turk, ku edhe pritet të transferohet këtë verë.