Zakonisht deri në këtë periudhë të sezonit nuk ka patur vaksinime të futbollistëve të paktën në kampionatet elitare të Europës por gjithsesi diçka e tillë pritet të bëhet modë në javët e ardhshme për shkak të impenjimeve dhe turneve të ndryshme të kombëtareve.
Braziliani Neymar është i pari mes yjeve të futbolli që ka vendosur të vaksinohet kundër koronavirusit dhe në profilin e tij në Instagram publikoi një video të momentit kur mori dozen ndaj Covid-19 në Paris.
“Pas gjithë kësaj pritjeje, erdhi edhe radha ime. Çfarë lumturie … Shpresoj që gjithçka të kthehet në normalitet sa më shpejt që të jetë e mundur dhe që jo vetëm vendi im, Brazili, por edhe e gjithë bota të mund të vaksinohen”, ishte komenti i yllit të PSG.
Sulmuesi po bëhet gati për pjesëmarrjen me Brazilin në Copa America, turne që ende është në dyshim për shkak të situates shqetësuese nga pandemia në Kolumbi dhe Argjentinë por tashmë për udhëtimet në shtete të tilla duhen plotësuar disa kushte për të shmangur karantinimin ndaj dhe vaksinimi duket si rruga e duhur për shumë lojtarë që do të jenë pjesë e Copa America apo edhe në Euro 2020.
