Ish-presidenti amerikan Barack Obama ka folur për herë të parë për fenomenin e “UFO”-ve, duke pranuar botërisht se ato ekzistojnë
“Ka objekte fluturuese që nuk mund t’i kuptojmë, kjo është serioze,” tha ai.
Ish Presidenti i SHBA Barack Obama bëri pohimet në një intervistë për Late Late Show. Gjatë intervistës ai u ndal në faktet për UFO-t.
Nuk është shumë e zakonshme që një politikan me një karrierë politike si ai të flasë hapur mbi këtë çështje, sepse rreziku i keqkuptimeve është i lartë.
Kur bëhet fjalë për alienët, ka shumë gjëra që një ish-President nuk mund t’i tregojë në televizione sidomos kur është duke folur “live”.
“E vërteta është se sapo u zgjodha, shkova në zyrë dhe pyeta: mirë, a ka ndonjë laborator diku ku mbahen alienët dhe anijet kozmike?’, tha Obama. Unë kam bërë hulumtimin tim dhe përgjigjja që mora ishte jo”.
“Ajo që është e vërtetë, dhe nuk po tallem më, është se ka imazhe dhe video të objekteve në qiell që ne nuk i dimë se çfarë janë ato. Ne nuk jemi në gjendje të shpjegojmë lëvizjet dhe trajektoren e tyre”.
“Ata nuk kanë një model që mund të shpjegohen lehtë. Ndaj shumë njerëz po ndërmarrin përpjekje për të hetuar fenomenin seriozisht dhe për të kuptuar se për çfarë bëhet fjalë”, shpjegoi Obama.
