Avokati Spartak Ngjela në ‘Open’ e konsideroi deklaratën e Bashës lidhur me vendimin e DASH, korrekte . Sipas avokatit Ngjela kjo është një lojë politike, ndërsa për Bashën tha se sido që të vejë puna ai do të jetë i kujdesshëm.
Ndërkohë për mënyrën sesi do të përcipitojnë ngjarjet, kjo varet nga karakteri i mbrojtjes së Sali Berishës, tha Ngjela, ndërsa shtoi se kjo do të jetë një betejë e fortë përballë politikës amerikane. Për Ngjelën ky moment është historik dhe jo ordiner dhe se Basha do të presë sesi do të jetë fundi i këtij procesi.
Sipas Ngjelës Berisha nuk duhet të distancohet nga partia, sepse në të kundërt do të pranonte fajësinë.
Ngjela tha se është avokat dhe nuk mund të gabonte në këtë rast, ndërsa shtoi se mendimi i tij juridik është që Berisha të mbrohet.
Ngjela tha se provat do të dalin të gjitha se po i kërkon Berisha dhe ky është një proces historik, ndërkohë që u tregua i sigurt se amerika do të nxjerrë provat por sesa të vërteta janë ato do të shihet, pasi edhe mund të mos jenë të vërteta.
