Në një konferencë për shtyp ish-Kryeministri Sali Berisha tha se tashmë do t’i drejtohet Gjykatës Konvencionale të Parisit për shpifje publike, ndaj Sekretarit Amerikan të Shtetit Antony Blinken.
Berisha tha ndër të tjera se ndaj tij nuk kishte asnjë fakt apo provë lidhur me akuzat e ngritura dhe se tashmë ai po i drejtohej gjykatës edhe për çështje dinjiteti.
I pyetur në konferencën për mediat, nëse pas përfundimit të çështjes ai do ta dorëzojë mandatin e deputetit, Berisha u shpreh: “Unë thashë se do ta dyfishoj”!
Kjo përgjigje u prit me duartrokitje nga mbështetës të ish-kryeministrit që ndodheshin në sallë, e po kështu me duartrokitje Berisha u prit edhe në momentin e mbërritjes në hotelin ku mbajti konferencën.
