Pas dorëzimit në polici të Skerdian Grabianit, një nga autorët e dyshuar të vrasjes së Taulant Beqiraj (Manaj) ka folur edhe avokati i tij, Ilir Zoto.
Avokati është shprehur se gjendja psikologjike e klientit të tij është shumë e rënduar dhe se ai është i gatshëm që të bashkëpunojë me drejtësinë.
Zoto ka shtuar se klienti i tij ka i pari nga automjeti për të folur me viktimën, por më pas ka agravuar situata.
“Gjendja shëndetësore e klientit tim ka qenë tejet e rënduar, dorëzimi i tij erdhi si pasojë e gjendjes së tij të rënduar psikologjike dhe vendimit për të bashkëpunuar me autoritetet e drejtësisë. Për këtë çështje janë të përfshirë dhe persona të tjerë mesa kam marrë dijeni. Shpresoj që autoritetet t’i arrestojnë që sa më në shpejt, për të sqaruar rrethanat në lidhje me përgjegjësitë e klientit tim. Klienti im ka qenë personi i cili ka dalë i pari nga automjeti për të folur me viktimën. Pasi vetë viktima dhe Gabrani kanë njohje të hershme dhe nga sa ka deklaruar klienti im ende nuk është në gjendje të shpjegojë pse agravoi situata. S’ka qenë asnjë rrethanë që të ndodhte kjo tragjedi që ndodhi”.
Do të bashkëpunoj me autoritetet?
Avokati sqaron edhe faktin se klienti i tij nuk ka asnjë precedent të mëhershëm penal dhe se pozicioni i tij në këtë ngjarje është i personit që nuk kishte gisht as në paramendim as në ideimin e ngjarjes.
Keni folur ke familjarët e viktimës?
Avokati: Nuk jam personi duhur për të folur për këtë, i shpreh ngushëllimet e mia familjes.
I druheni një atentati të mundshëm?
Avokati: Në këtë histori duhet të sqarohet pozicioni i tij në këtë ngjarje por nuk ka asnjë problematikë të tillë, mesa jam në dijeni nuk ka pasur asnjë rrethanë që të agravonte në përdorim armësh.
Rruga ligjore?
Avokati: Do të bashkëpunojmë me autoritetet për zbardhjen e plotë të kësaj ngjarjeje.
