Këto ditë analistët pranë qeverisë, por edhe kundërshtarët e Lulzim Bashës në PD po përhapin një tezë të përbashkët se Edi Rama nuk është si Erdogani dhe Putini pasi nuk i burgos gazetarët.
Për ish-ministrin, Ylli Manjani, kjo është një tezë qesharake, pasi Rama vërtet nuk i burgos gazetarët, por po i tredh dhe i përçudnon.
Në regjimin e Ramës paguhesh më mirë kur hesht. Asnjë lidhje s’ka me regjimet Putin e Erdogan…
Mediat ku gazetarët punojnë i kontrollon mjaftueshëm.
Ndaj s’ka përse t’i vrasë apo burgosë. Thjesht i detyron të punojnë për të…
Me Beketin e kaloi pak cakun, por prapë Rama mbeti thjesht Rama. Politikan i pozicionuar dhe me rekorde të njohura në çdo forum botëror si politikani kundër lirisë së medias. Askush andej matanë nuk lodhet ta krahasojë Ramën me Putin apo Erdogan.
Pse duhet ta bëjnë xhanëm?!
S’ka pse të jetë Putin, as Erdogan, që të frikësohet dynjaja. Mjafton të thuash Rama është Rama në pushtet dhe janë thënë të gjitha…”, shkruan Manjani.
REAGIMI I MANJANIT
“Meqenëse në kemi gazetarë të vrarë e as të burgosur, rrjedhimisht Rama nuk është as si Putin e as si Erdogan”.
Kjo është tezë politike që po hidhet për konsum publik këto kohë.
*****
Mendoj se kjo tezë qëndron për aq sa bazohet në faktin që nuk kemi gazetarë të vrarë apo të burgosur nga shteti. Qëndron edhe konstatimi që Rama nuk është Putin apo Erdogan.
Por gjithashtu qëndron edhe fakti i ulur këmbëkryq midis nesh se Rama është thjesht Rama.
Nuk ka pse të jetë Putin apo Erdogan, sepse është thjesht ai që është. Vërtetë nuk ka vrarë e burgosur gazetarë, por i ka tredhur, përçudnuar,mbullur gojën me bukën e gojës.
Nuk i fut në burg, por i kërcënon me gjoba në gjyqe civile. Nuk i rreh por iu mbyll emisionet, iu prish kontratat e punës. Nuk i fut në burg, por i çon në SPAK. Iu sekuestron telefonat personale serverat e mediave.
Edhe për shkrime në facebook gazetarët i thërret policia për t’i tërhequr veshin!!!
Në regjimin e Ramës paguhesh më mirë kur hesht. Asnjë lidhje s’ka me regjimet Putin e Erdogan…
Mediat ku gazetarët punojnë i kontrollon mjaftueshëm.
Ndaj s’ka përse t’i vrasë apo burgosë. Thjesht i detyron të punojnë për të…
Me Beketin e kaloi pak cakun, por prapë Rama mbeti thjesht Rama. Politikan i pozicionuar dhe me rekorde të njohura në çdo forum botëror si politikani kundër lirisë së medias. Askush andej matanë nuk lodhet ta krahasojë Ramën me Putin apo Erdogan.
Pse duhet ta bëjnë xhanëm?!
S’ka pse të jetë Putin, as Erdogan, që të frikësohet dynjaja. Mjafton të thuash Rama është Rama në pushtet dhe janë thënë të gjitha…
Ndaj më duket një shpikje idiote dhe që nuk kumton asgjë me vlerë publike që të na bëjë të ndjehemi krenar, kjo teza krahasimore me Putin apo Erdogan.
Muhabet kot d.m.th.
