Skuadra e Juventusit është shpallur kampione e Kupës së Italisë, duke mposhtur Atalantën me rezultatin 2-1.
Bardhezinjtë, fillimisht kaluan në avantazh në minutën e 24-t me anë të një super goli nga Kulusevski. Një kundërsulm i finalizuar në mënyrë perfekte nga ish-futbollisti i Atalanta, Kulusevski, pasi Cuadrado fitoi top te Gosens.
Avantazhi i skuadrës së Pirlos zgjati vetëm 11-minuta, pasi Malinovsky gjeti barazimin. Freuler i vjedh topin Rabiot dhe pason në të djathtë për Hateboer. Mesfushori pason për Malinovskyi i cili nuk mendohet dy herë por godet dhe realizon duke mposhtur Buffon.
Ndërkohë goli që riktheu në avantazh Juventusin dhe që vendosi fatet e sfidës, u shënua nga Federico Chiesa në minutën e 73-të.
Kjo është Kupa e 14-të që bardhezinjtë radhisin në historinë e tyre, ndërsa në një farë mënyre shpëton sezonin mjaft të dobët të Juventusit.
https://streamable.com/p3dufq
