Dy humbje jete dhe 24 raste të reja me Covid nga 3 051 testime u konfirmuan këtë të Mërkurë nga Ministria e Shëndetësisë.
Viktimat janë 1 qytetar nga Tirana dhe 1 qytetar nga Durrësi, të moshave 65-69 vjeç.
Rastet pozitive të konfirmuara janë identifikuar në këto bashki: 10 raste në Tiranë, 2 raste në Shkodër, nga 1 rast në Kurbin, Devoll, Vlorë, Mirditë, Rrogozhinë, Tropojë, Kamëz, Pogradec, Sarandë, Vau i Dejës, Gramsh, Skrapar.
Në 24 orët e fundit, janë shëruar 835 qytetarë, duke e çuar numrin e të shëruarve në 127 240 që nga fillimi i pandemisë.
Të shtruar në spitale janë 73 pacientë, nga të cilët 8 në terapi intensive, ndërsa raste aktive me Covid janë 2 417.
Që prej shfaqes së pandemisë në vend, janë prekur 132 095 persona, prej të cilëve 2 438 kanë humbur jetën.
Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. “Telefononi në numri 127 të Urgjencës Kombëtare për çdo emergjencë apo referim në spital”, apelon MSH.
Shpërndarja gjeografike e rasteve aktive, sipas qarqeve:
- Tiranë – 1821
- Korçë – 136
- Shkodër – 108
- Vlorë – 58
- Lezhë – 55
- Fier – 53
- Gjirokastër – 52
- Elbasan – 47
- Berat – 41
- Durrës – 26
- Kukës – 16
- Dibër – 4
