Policia Rrugore ka gjobitur me 50.000 lekë një subjekt që kishte zënë një sipërfaqe rruge në kundërshtim me Kodin Rrugor, duke u bërë burim aksidenti.
Ngjarja raportohet të ketë ndodhur në rrugën Berat-Poliçan, ku subjekti e kishte zënë sipërfaqen e rrugës me disa paleta guri.
Burime policore bëjnë me dije se subjekti ishte në pronësi të shtetasit I. L., dhe është ndëshkuar me masë administrative 50.000 lekë, për shkelje të nenit 15, pika 1 dhe 2, germa f, i cili ndalon të hidhen ose grumbullohen materiale në karrexhatë.
